《The Information》引述知情人士報道，Nvidia 已同意以約 129 億美元收購開源 AI 模型托管平台 Hugging Face；Business Insider 亦指雙方洽談估值超過 130 億美元，但協議未必已經簽署。若成交，將成為 Nvidia 其中一宗最大收購。Hugging Face 2023 年 Series D 估值約 45 億美元，Nvidia 當時已有份投資；近期年化收入約 1.5 億美元，較兩個月前約 1 億美元明顯上升，並接近盈虧平衡。
收購邏輯好清晰：Nvidia 唔單止賣 GPU，而係想卡住開發者揀模型、下模型、部署模型嘅那一層。開源權重生態愈旺，對算力需求愈大；同時 Anthropic、OpenAI 等封閉模型商都喺自研晶片，Nvidia 需要守住模型分發入口。雙方暫未正式確認。對開發者最大懸念係：平台會唔會更綁定 CUDA 生態，定係繼續維持相對中立。私有 LLM 同企業內部署若愈依賴單一硬件商嘅模型目錄，議價同供應風險都會上升。