而家實驗室同產線最大痛點，係每件儀器都要寫一輪專用整合，動輒幾個星期。MHS 用統一驅動同標籤，描述硬件重量、活動範圍、可調參數同安全上限，等模型唔使靠紙本說明書「估」。官方示範中，Claude 可以自行編寫 API 腳本，協調多部儀器，甚至喺未專門訓練過嘅情況下，推理點樣用機械臂夾起鋁罐。
合作測試包括 Genentech 蛋白質檢測自動化、QuEra 量子激光回穩（700 次盲測成功 695 次），以及 AWS、Hugging Face LeRobot、Raspberry Pi、Universal Robots 等。公司計劃稍後開源規格。
當大模型走出螢幕、伸手入實驗室，責任同安全邊界就要重新畫。MHS 係標準，亦係一道閘。